Маладэчна: Рашэнне суда - традыцыйнае

2010 2010-11-09T11:08:52+0200 1970-01-01T03:00:00+0300 be http://spring96.org/files/images/sources/maladechna-sud-kamisii-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

8 лістапада у Маладэчне адбыўся суд па разгляду скаргі Маладэчанскай гарадской арганізацыі Партыі БНФ і ГА БНФ”Адраджэнне” на рашэнне райвыканкама па фарміраванні ўчастковых выбарчых камісій. Суд у задавальненні скаргі адмовіў.

Судовае разбіральніцтва доўжылася цэлы дзень. На судзе інтарэсы Партыі БНФ і ГА БНФ “Адраджэнне” прадстаўлялі Тадэвуш Шусціцкі, а таксама праваабаронцы Эдуард Баланчук і Алесь Капуцкі. У скарзе яны прасілі: адмяніць рашэнне райвыканкама па фарміраванню ўчастковых камісій, запатрабаваць ад райвыканкама дакументы, датычныя фарміравання УВК, уключыць у склад камісій вылучэнцаў Партыі БНФ і ГА БНФ “Адраджэнне”, а таксама выключыць са складу камісій прадстаўнікоў, пры вылучэнні якіх выяўлены парушэнні. Ад імя райвыканкама на судзе выступаў начальнік аддзела арганізацыйна-кадравай працы Ігар Гарановіч, які прымаў непасрэдны ўдзел у стварэнні так званага праекта складу камісій.

Эдуард Баланчук спрабаваў даведацца ў прадстаўніка райвыканкама, як фарміраваліся камісіі, па якіх крытэрыях выбіралі прадстаўнікоў. Спадар Гарановіч адказаў, што, па ягоным асабістым перакананні, сябры камісій павінны быць найперш маладымі і здаровымі. Чаму тады ў камісіі было ўключана 47 сяброў аб’яднання ветэранаў – спадар Гаруновіч адказаць дакладна не змог. Таксама засталося незразумела, чаму ў склад камісій не ўвайшлі прадстаўнікі Партыі БНФ і ГА БНФ ”Адраджэнне”, сярод якіх ёсць і маладыя, і кваліфікаваныя.

На судзе таксама высветлілася, што спісаў камісій прадстаўнікам суб’ектаў, якія вылучылі сваіх сяброў у камісіі, у райвыканкаме не выдавалі таму, што “не хапіла часу дапрацаваць гэтыя дакументы, бо адпаведны аддзел быў заняты падрыхтоўкай да Усебеларускага сходу”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international