Бяроза: Улёткі пра байкот аказаліся ў ідэолагаў

Амаль 5 тысяч улётак з заклікам да байкоту прэзідэнцкіх выбараў былі канфіскаваны супрацоўнікамі Бярозаўскага РАУС у Андрэя Кавалевіча, сына кіраўніцы раённай суполкай КХП БНФ Галіны Кавалевіч. Гэта адбылося, калі сын з маці ішлі па вуліцы па дарозе дадому. На вуліцы Альшэўскага да іх пад’ехала міліцэйская аўтамашына, з якой выйшлі некалькі супрацоўнікаў міліцыі і прапанавалі Андрэю Кавалевічу праехаць разам з імі. У аддзяленні ў актывіста быў канфіскаваны пакет з улёткамі, якія былі без выходных дадзеных. Быў складзены адпаведны пратакол.

Як стала вядома пазней, супрацоўнікі міліцыі перадалі пакет з улёткамі ў ідэалагічную службу Бярозаўскага райвыканкама.

“Праваабаронцы за свабодныя выбары”