Катаваньні пад увагай праваабаронцаў

Група праваабаронцаў з розных беларускіх праваабарончых арганізацый падрыхтавалі альтэрнатыўны даклад ў Камітэт па катаваннях ААН. Даклад тычыцца абавязацельстваў Беларусі згодна з Канвенцыяй ААН супраць катаваньняў і іншых жорсткіх, бесчалавечных ці прыніжаючых годнасьць відаў абыходжаньня і пакараньня. Гэта першы альтэрнатыўны даклад па катаваньнях, які будзе прадстаўлены ў ААН у снежні і ўжо вясной 2011 года разгледжаны ў камітэце супраць катаванняў.
- “Дадзены даклад з'яўляецца рэакцыяй праваабаронцаў на чацвёрты перыядычны даклад, прадстаўлены Беларуссю ў ААН за апошнія дзесяць гадоў, і ахоплівае многія аспекты як правапрымяняльнай дзейнасьці супрацоўнікаў органаў унутраных спраў, так і пракурорскага нагляду”, - патлумачыла праваабаронца Эніра Браніцкая.
- “Наш даклад ўтрымлівае некаторую аб'ектыўную крытыку дзяржавы, мэтай якой было ўсебакова паказаць наяўныя праблемы, кшталту неаб'ектыўнага расследаваньня выпадкаў катаваньняў або неналежных ўмоваў ўтрыманьня ў пенітэнцыярных установах Беларусі. Аднак мы гатовыя сумесна з пракуратурай, МУС і іншымі дзяржаўнымі органамі канструктыўна падыходзіць да вырашэньня гэтых праблем, як на заканадаўчым, так і на правапрымяняльнай узроўні”, паведаміў праваабаронца Сяргей Усцінаў.
Праваабаронцы лічаць, што менавіта сумесныя з уладамі дзеяньні дапамогуць выкараніць катаваньні ў Беларусі.