viasna on patreon

На допыт ў аддзяленьне міліцыі “Дзевятоўка” ў Гродне былі выкліканы амаль усе актывісты штаба Аляксандра Мілінкевіча.

2006 2006-03-03T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

2 сакавіка ў гарадзенскай міліцыі допыты адбываліся амаль як па канвееру, паведаміў інтэрнэт- партал pahonia.promedia.by.

"Нас развялі па розных кабінетах і там дапытвалі. Усе былі выкліканы па факце антыпрэзідэнцкіх надпісаў, якія з’явіліся ў горадзе 15-16 лютага. Аднак я, напрыклад, гэтых надпісаў у вочы не бачыў", – паведаміў ПАГОНІ Сяргей Мальчык, намеснік кіраўніка абласнога штаба Аляксандра Мілінкевіча па Гарадзеншчыне.

Міліцыянты ўзялі паказанні, аформілі пратаколы і адпусцілі актывістаў выбарчага штаба.

"Я лічу, што нас выклікалі ў міліцыю спецыяльна, каб мы не змаглі паехаць сёння ў Менск на сустрэчу з Аляксандрам Мілінкевічам. Хаця ніхто з нас ехаць і не збіраўся", – пракаментаваў падзею Сяргей Мальчык.

Па гэтай жа справе быў выкліканы ў аддзяленне міліцыі і Андрэй Пачобут, актывіст Саюза палякаў Беларусі, непрызнаванага беларускімі ўладамі. Ён адмовіўся даваць паказанні.

Апошнія навіны

Партнёрства

Сяброўства