Слуцк: У склад участковых камісій уключылі прадстаўнікоў адной партыі - КПБ

2010 2010-11-03T18:18:13+0200 1970-01-01T03:00:00+0300 be http://spring96.org/files/images/sources/kpb.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На паседжанні Слуцкага райвыканкама 3 лістапада быў сфармаваны склад участковых выбарчых камісій Сулуччыны. На сходзе прысутнічаў прадстаўнік Беларускага Хельсінкскага камітэта Віталь Амяльковіч.

Паводле інфармацыі назіральніка, у склад 74 участкавых выбарчых камісій увайшлі 767 чалавек. Валерый Бойка, начальнік аддзела арганізацыйна-кадравай работы Слуцкага райвыканкама, агучыў склад камісій: 295 сябраў былі вылучаны ад грамадскіх аб'яднанняў і палітычных партый, 374 - ад грамадзян шляхам падачы заявы, 98 - ад працоўных калектываў.

У спісе сябраў камісій апынуліся прадстаўнікі толькі адной партыі - Камуністычнай партыі Беларусі.

Ад грамадскіх аб'яднанняў у складзе камісій - сябры РГА "Белая Русь", БРСМ, Федэрацыі прафсаюзаў, Беларускага Саюза жанчын, Беларускага Саюза афіцэраў, Беларускага дзіцячага фонду, грамадскага аб'яднання ветэранаў, ГА "Беларускае таварыства Чырвонага Крыжа" і Саюза ветэранаў вайны ў Афганістане.

Амаль 70% сяброў участковых выбаркамаў - жанчыны. Кожны дзесяты - ва ўзросце да 30 гадоў.

Старшыня Слуцкага райвыканкама Уладзімір Даманеўскі на паседжанні спытаў у начальніка аддзела арганізацыйна-кадравай працы, ці ўсе сябры камісіі, вылучаныя ад працоўных калектываў, будуць працаваць адказна. Валерый Бойка пацвердзіў, што ўсе гэтыя людзі правераныя, не першы раз удзельнічаюць у выбарчых кампаніях. "Мы ў іх ўпэўнены", - заявіў чыноўнік.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international