Бялынічы: У складзе ўчастковых камісій найбольш прадстаўнікоў дзяржпрафсаюзаў і “Белай Русі”

2010 2010-11-03T17:55:31+0200 1970-01-01T03:00:00+0300 be http://spring96.org/files/images/sources/vyrvich.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Незалежны журналіст Барыс Вырвіч

Незалежны журналіст Барыс Вырвіч

3 лістапада ў Бялынічах прайшло пасяджэнне Бялыніцкага райвыканкама, на якім першым разглядалась пытанне аб стварэнні участковых камісій па выбарах прэзідэнта Рэспублікі Беларусь. У выніку пасяджэння было прынятае рашэнне аб стварэнні на тэрыторыі Бялыніцкага 20 участковых выбарчых камісій агульнай колькасцю 237 чалавек.

На пасяджэнне райвыканкама быў дапушчаны назіральнік Барыс Вырвіч, які вылучаўся ў Бялыніцкую раённкю камісію шляхам збору подпісаў. Іншых назіральнікаў пры раённай выбарчай камісіі (а ў Бялынічах у якасці назіральнікаў зарэгістраваныя прадстаўнікі раённай арганізацыі БРСМ, дэпутат мясцовага райсавета і прадстаўнік працоўнага калектыва) працэдура стварэння ўчастковых выбарчых камісій не зацікавіла.

Расказвае Барыс Вырвіч:

- Дакладчыкам па пытанню фармавання ўчастковых выбарчых камісій на пасяджэнні Бялыніцкага райвыканкама выступала начальнік арганізацыйна-кадравага аддзела райвыканкама Лідзія Шчацінка, якая да таго ж з’яўляецца і сакратаром раённай камісіі па выбарах прэзідэнта. Было створана 20 участковых камісій колькасным складам ад 6 да 17 чалавек. Усяго ў Бялыніцкім раёне ў склад участковых выбарчых камісій увайшло 237 чалавек, абсалютная большасць з якіх ужо працавала ў выбарчых камісіях на мінулых мясцовых і парламенцкіх выбарах. Прадстаўніцтва ад грамадскіх арганізацый у складзе камісій склала 39,7 % ад агульнай колькасці членаў. Пры гэтым палітычныя партыі ў Бялыніцкім раёне сваіх прадстаўніком у камісіі наогул не вылучалі, як і незалежныя грамадскія арганізацыі. Асноўную колькасць вылучэнцаў у склад камісій далі прадстаўнікі дзяржаўных прафсаюзаў – 24,5 %, “Белай русі” – 7,2%, БРСМ – 5,5 %, 2,5 % будуць прадстаўляць раённую ветэранскую арганізацыю. Астатнія члены ўчастковых выбарчых камісій вылучалісь ад грамадзян і ад працоўных калектываў.

Па словах Барыса Вырвіча, пытанне фармавання выбарчых камісій было разгледжана райвыканкамам на працягу 40 хвілін. Ні адзін з членаў райвыканкама не задаў ніякага пытання ні па адной прапанаванай кандыдатуры. Спіс членаў участковых выбарчых камісій быў зацверджаны аднагалосна.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international