Сустрэчу Аляксандра Мілінкевіча з выбаршчыкамі ў кінатэатры "Дружба" ў мінскім мікрараёне Чыжоўка спрабавалі сарваць актывісты незарэгістраванай нацыянальна-бальшавіцкай партыі

2006 2006-03-02T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

1 сакавіка каля 600 чалавек прыйшло на сустрэчу з кандыдатам аб’яднанай апазыцыі Аляксандрам Мілінкевічам у кінатэатар “Дружба” ў менскім мікрараёне Чыжоўка. Сустрэча доўжылася дзьве з паловай гадзіны, у цэлым насіла прыязны характар, але была азмрочаная інцыдэнтам з удзелам актывістаў незарэгістраванай нацыянальна-бальшавіцкай партыі, паведаміла радыё Свабода.

У сярэдзіне сустрэчы ў цэнтры перапоўненай залы з аднаго раду ўскочылі каля дзясятка маладых актывістаў нацыянальна-бальшавіцкай партыі, дасталі сваю чырвоную сімболіку з сярпамі і малаткамі, закрычалі “Не - прадажнай апазыцыі!”, раскідалі ўлёткі і кінулі некалькі яек у бок сцэны. Але яйкі не даляцелі.
Прысутныя ў зале хутка скруцілі нацболаў і перадалі ў рукі міліцыі Заводзкага раёну Менску. Адзін з іх так патлумачыў матывы свайго ўчынку перад тым, як усе хуліганы былі адвезеныя ў пастарунак: “Мілінкевіча падтрымлівае Літва, Латвія, Эстонія, грошы адтуль ідуць. А ў Латвіі праходзяць парады эсэсаўцаў”.
Удзельнікі сходу былі абураныя гэтым учынкам, але выказвалі перакананьне, што ён не сапсаваў прыязнай гутаркі з апазыцыйным кандыдатам.
У аднаго з нацболаў, як засьведчыў намесьнік кіраўніка штабу Мілінкевіча Віктар Карняенка, міліцыя знайшла пасьведчаньне сябра БРСМ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international