Маладэчна: Вайскоўцаў папярэдзілі, што правераць, за каго яны ставілі подпісы

Як паведамілі маладэчанскія сябры ініцыятыўных груп дэмакратычных прэтэндэнтаў у кандыдаты, пры зборы подпісаў у дамах, дзе жывуць вайскоўцы ды супрацоўнікі райвыканкаму, за альтэрнатыўных вылучэнцаў амаль ніхто не падпісваецца.

Так, зборшчыкі подпісаў за Алеся Міхалевіча былі вельмі здзіўленыя, калі, абыйшоўшы 45-кватэрны дом, атрымалі нулявы вынік. Неўзабаве стала вядома, што жыхары гэтага дома – вайскоўцы, і іх на працы папярэдзілі, што ўсе подпісы правяраюцца, таму начальству будзе вядома, хто за каго падпісаўся. Зразумела, што пасля такога папярэджання жадаючых здаць подпіс не стала.

Прыкладна такая ж сітуацыя назіралася ў дамах, дзе пераважна жывуць супрацоўнікі райвыканкама.

"Праваабаронцы за свабодныя выбары"