Магілёў: У раённым выбаркаме ў рэгістрацыйным журнале запісы робяць алоўкам

2010 2010-10-27T14:12:04+0300 1970-01-01T03:00:00+0300 be http://spring96.org/files/images/sources/dakyment.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Магілёўскай раённай выбарчай камісіі пры прыёме падпісных лістоў частка графаў у рэгістрацыйным журнале запаўняецца алоўкам. Пра гэта паведамляе сябра ініцыятыўнай групы Андрэя Саннікава Таццяна Шамбалава.

“Сёння мне давялося здаваць подпісы ў Магілёўскую раённую выбарчую камісію, - гаворыць Таццяна Шамбалава. - Я звярнула ўвагу на тое, што ў журнал ўваходзячых дакументаў уносяцца рэгістрацыйны нумар, прозвішча і ініцыялы таго, хто здае подпісы, а таксама пазначаецца колькасць здаваемых лістоў. Далей ёсць графы, якія запаўняюцца алоўкам, а менавіта - нумар ініцыятыўнай групы і колькасць здадзеных подпісаў за прэтэндэнта на пасаду Прэзідэнта”.

Таццяна асцерагаецца, што пры такім афармленні ў журнале рэгістрацыі можна напісаць нумар любой ініцыятыўнай групы і здадзеныя подпісы залічыць іншаму прэтэндэнту.

Праваабаронца Барыс Бухель адзначае, што рэгістрацыя здаваемых падпісных лістоў ідзе так, як прыдумаюць камісіі, і няма нейкага агульнага стандарта рэгістрацыі падпісных лістоў.

“Камісіі не карыстаюцца заканадаўствам аб справаводстве, што стварае такога кшталту бардак. Няма аднастайнай правапрымяняльнай практыкі і існуе велізарнае поле для махінацый”, - падкрэслівае праваабаронца.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international