Нараўлянскі выканкам падтрымлівае Лукашэнку адкрыта, а жыткавіцкае “Новае жыццё”- стрымана

2010 2010-10-26T11:59:39+0300 1970-01-01T03:00:00+0300 be http://spring96.org/files/images/sources/naraulianski-vykankam.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Чым далей раённы цэнтр ад абласнога, тым больш асвятленне кампаніі па выбарах Прэзідэнта Рэспублікі Беларусь набывае ўражанне шэраговага мерапрыемства. А сям-там раённыя выканаўчыя камітэты і дзяржаўныя газеты адкрыта падтрымліваюць Аляксандра Лукашэнку.

Напрыклад, не хавае сваёй прыхільнасці да дзеючага прэзідэнта сайт Нараўлянскага выканаўчага камітэта. Нават змясціўшы ў рубрыцы “Новости избирательной кампании” ўсяго дзве навіны. За 5 кастрычніка – паведамленне пра тое, што “Утворана Нараўлянская раённая камісія па выборах”. У другой навіне, ад 4 кастрычніка пад назваю “Адбылося пікетаванне”, распавядаецца, як 4 кастрычніка ў Нароўлі адбылося пікетаванне па зборы подпісаў для вылучэння кандыдатам у Прэзідэнты Рэспублікі Беларусь А.Р.Лукашенкі. “Да пікету падыходзілі людзі рознага ўзросту, прафесій, але ўсе давалі станоўчую ацэнку дзяржаўнай палітыцы, якая праводзіцца ў цяперашні час. Збор подпісаў – гэта не толькі палітычная кампанія. Гэта жывыя стасункі з людзьмі. Сябры ініцыятыўнай групы  уважліва выслухваюць пажаданні грамадзян” - шчыра, прама і з пафасам. Пра альтэрнатыўных кандыдатаў – ні слова.

А вось жыткавіцкая газета “Новае жыцце” сваю падтрымку дзеючаму прэзідэнту выказвае больш стрымана. На сайце газеты ў рубрыцы “Выбары Прэзідэнта Беларусі” змешчана 6 рэспубліканскіх і мясцовых інфармацый. Адна з іх - “19 снежня - выбары Прэзідэнта Беларусі” ад 15 кастрычніка - паведамляе: “Падчас правядзення свята горада ў мінулыя выходныя быў арганізаваны пікет па зборы подпісаў грамадзян у падтрымку вылучэння кандыдатаў у Прэзідэнты Беларусі”. Далей анансуюцца наступныя пікеты “ў падтрымку асобаў, прапануемых для вылучэння кандыдатамі” з указаннем датаў, месцаў і часу іх правядзення. Ёсць нават фотаздымак, на якім людзі ставяць свае подпісы. Але зроблены ён так, што зразумець, за каго падпісваюцца, немагчыма. Здагадацца можна толькі па хлопчыку, апранутаму ў нацыянальны строй. Такім вось чынам, ад імя ўсіх ініцыятыўных групаў, газета падказвае чытачам, дзе збіраюцца подпісы за Аляксандра Рыгоравіча.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international