“Пакараньне сьмерцю: цана жыцьця і межы права”

2010 2010-10-25T09:52:29+0300 1970-01-01T03:00:00+0300 be http://spring96.org/files/images/sources/biblijateka-kub.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Тэматычная кніжная выстава “Пакараньне сьмерцю: цана жыцьця і межы права” працуе ў Нацыянальнай бібліятэцы Беларусі. Яна прысвечаная Еўрапейскаму дню барацьбы супраць сьмяротнага пакараньня і будзе экспанавацца да 5 лістапада.

Як паведамляе сайт Нацыянальнай бібліятэкі, сьмяротнае пакараньне ў Рэспубліцы Беларусь пакуль не адменена. Аналіз грамадскай думкі адносна пакараньня сьмерцю паказвае, што большасьць насельніцтва выступае за захаваньне гэтага віду пакараньня. 23 верасня 2010 г. у Нацыянальнай бібліятэцы Беларусі ладзілася пасяджэньне круглага стала “Пра шлях у кірунку адмены смяротнага пакараньня ў Беларусі”, якое было арганізавана дэпартаментам па нарошчваньні патэнцыялу ў галіне права і праў чалавека Сакратарыята Савета Еўропы сумесна з парламентарыямі Рэспублікі Беларусь. У мерапрыемстве ўдзельнічалі эксперты Савета Еўропы, прадстаўнікі Нацыянальнага сходу Рэспублікі Беларусь, дзяржаўных органаў і грамадскіх арганізацый. Падчас пасяджэньняў быў прааналізаваны вопыт еўрапейскіх дзяржаў у паступовым скасаваньні сьмяротнага пакараньня, агучана яго праблематыка ў Рэспубліцы Беларусь і перспектывы адмены гэтага віду пакараньня ў нашай краіне.

На выстаўцы, якая экспануецца ў зале дакументаў міжнародных арганізацый (зала 207g), прадстаўлена каля 50 дакументаў на рускай, англійскай і нямецкай мовах: кнігі, брашуры, перыядычныя выданні.

Выстаўка будзе карыснай спецыялістам у галіне міжнароднага крымінальнага права, работнікам праваахоўных органаў, сацыёлагам, прававедам, студэнтам і выкладчыкам юрыдычных спецыяльнасьцей.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international