У Віцебску затрымліваюць моладзь за абвесткі пра сустрэчу кандыдата ў прэзідэнты Аляксандра Мілінкевіча з выбаршчыкамі

23 лютага ў 21 гадзіну ў Віцебску супрацоўнікамі міліцыі Першамайскага РУУС былі затрыманыя Віталь Броўка і Зьміцер Караткевіч. Маладыя людзі расклейвалі абвесткі пра пра сустрэчу кандыдата ў прэзідэнты Аляксандра Мілінкевіча з выбаршчыкамі, якая плануецца на 26 лютага.

Затрыманыя былі дастаўленыя ў РУУС, дзе на іх былі складзеныя пратаколы затрыманая і праваапарушэньня па арт 143.3 (антысанітарыя), а таксама ўзятыя тлумачальныя.

Матэрыялы адміністратыўных справаў перададзеныя ў адміністратыўную каімісю па месцы жыхарства моладзевых актывістаў.