Незалежным выданьнем "Згода" зацікавіліся праваахоўныя органы

2006 2006-02-22T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

21 лютага прэс-служба Міністэрства замежных спраў РБ выступіла з заявай з нагоды публікацыі ў апошнім нумары газеты "Згода" артыкула "Палітычны крэатыў", ілюстраванага карыкатурамі (у тым ліку з выявай прарока Мухаммеда), якія раней справакавалі міжнародны скандал. Паводле МЗС, матэрыялы па факце перадрукоўкі карыкатур гэтым выданнем Міністэрства інфармацыі накіравала ў Пракуратуру.

"Міністэрства замежных спраў рашуча асуджае любыя наўмысныя дзеянні, якія могуць пацягнуць распальванне міжрэлігійнай варожасці, распаўсюд... недаверу паміж нацыянальнымі і рэлігійнымі супольнасцямі, якія жывуць у Беларусі", - гаворыцца ў заяве МЗС. На думку міністэрства, публікацыя мае "яўна павакацыйны характар". "Карыкатуры перадрукаваныя з заходніх СМІ недзяржаўным выданнем і цалкам супярэчаць палітыцы афіцыйных уладаў Рэспублікі Беларусь", - лічыць Міністэрства замежных спраў.

Як паведаміў БелаПАН галоўны "Згоды" Аляксей Кароль, публікацыя з'явілася ў яго адсутнасць і без яго згоды. Распаўсюд гэтага нумару зараз спынены, а на намесніка галоўнага рэдактара накладзена спагнанне. Галоўны рэдактар заяўляе, што ў самім артыкуле не ўтрымліваецца нічога, пра што гаворыцца ў заяве МЗС, і што яго выданне з павагай ставіцца да ўсіх канфесій.

Зараз, 22 лютага, у рэдакцыі газэты "Згода" адбываецца ператрус у сувязі з заведзенай крымінальнай справай.

Прэс-служба БАЖу нагадвае, што з гэтага года "Згоды" няма ў падпісным каталогу "Белпошты", а дамова на распаўсюд і экспедыяванне рознічных накладаў з "Белсаюздрукам" таксама не была працягнутая.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international