Мазыр: Чыноўнікі райвыканкама абяцаюць прыслухацца да прапановы праваабаронцаў

2010 2010-10-15T20:46:00+0300 1970-01-01T03:00:00+0300 be http://spring96.org/files/images/sources/cieliapun.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Уладзімір Целяпун

Уладзімір Целяпун

На дзяржаўным тэлеканале «Мазыр» у перадачы «Дыялог у прамым эфіры» 12 кастрычніка брала ўдзел сакратар Мазырскай раённай выбарчай камісіі Вераніка Анатольеўна Байкова, якая з’яўляецца начальнікам арганізацыйна-кадравай работы райвыканкама.

Гледачам тлумачыліся арганізацыйныя асаблівасці правядзення выбараў Прэзідэнта Рэспублікі Беларусь, выбарчыя правы грамадзян, а таксама былі дадзены адказы на пытанні ад жыхароў рэгіёна ў прамым эфіры.

“Старае балючае пытанне: агітацыйныя стэнды, узведзеныя на хуткую руку падчас мясцовых  выбараў, шмат дзе пападалі і зніклі. Вывешванне плакатаў групамі падтрымкі на інфармацыйных стэндах стварае напружаныя стасункі з культурнымі ўстановамі, якія перыядычна заклейваюць плакаты кандыдатаў афішамі. Чаму б падчас выбараў ні зрабіць менавіта агітацыйныя стэнды і выстаўляць іх на перыяд агітацыі?”, – спытаў мазырскі праваабаронца Уладзімір Целяпун.

Праваабаронцу Вераніка Байкова адказала, што пытанне і заўвага слушная. Яна пагадзілася, што падчас выбарчых кампаніяў такая праблема ўзнікае і паабяцала разгледзіць гэтую прапанову.

“Ці будуць прадстаўнікі  апазіцыйных партый уключаны ў склад участковых выбарчых камісій?”, – прагучала пытанне ад Мазырскай раённай арганізацыі партыі левых “Справедлівы свет”.

Вераніка Байкова спаслалася на тое, што гэта будзе вырашаць орган, якія ўтварае выбарчыя камісіі, а менавіта  Мазырскі райвыканкам.

Нагадаем, што Мазырская раённая арганізацыя партыі "Справядлівы свет" вылучала свайго прадстаўніка ў раённую выбарчую камісію па выбарах Прэзідэнта Рэспублікі Беларусь, але ён не быў уключаны ў яе склад.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international