Папраўкі ў Крымінальны Кодэкс пайшлі ў ход.

2006 2006-02-22T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як паведамілі Праваабарончаму цэнтру “Вясна” сваякі затрыманага 21 лютага супрацоўнікамі КГБ грамадзкага актывіста Цімафея Дранчука, зараз ён знаходзіцца ў сьледчым ізалятары КГБ, так званай “амерыканцы”. Ц.Дранцук затрыманы на трое сутак па падозраньні ў зьдзяйсьненьні “злачынства”, прадугледжанага часткай 2 артыкула 193 Крымінальнага Кодэксу РБ (арганізацыя альбо кіраваньне грамадзкім аб’яднаньнем, рэлігійнай арганізацыяй, якія пасягаюць на асобу, правы і абавязкі грамадзянаў). Дадзеная частка артыкула 193 прадугледвае пакараньне ў выглядзе арышту тэрмінам да 6 месяцаў ці пазбаўленьня волі тэрмінам да 3-х гадоў і дазваляе ўтрымліваць арыштаванага пад вартаю да суда.

Такім чынам, у Беларусі распачата практыка выкарыстаньня артыкулаў Крымінальнага кодэксу, якія былі ўключаныя ў яго пры канцы мінулага году ў адпаведнасьці з законапраектам, распрацаваным у КГБ.
Затрыманыя грамадзкія актывісты Аляксандр Шалайкі і Мікола Астрэйка, магчыма, таксама знаходзяцца ў ізалятары КГБ і ім, верагодна, таксама будуць прад’яўленыя абвінавачваньні па новых артыкулах крымінальнага кодэксу.

Хваля арыштаў, верагодна, ёсьць пацьверджаньнем словаў старшыні КГБ Сухарэнкі пад час прыняцьця правак у крымінальны кодэкс, калі ён казаў пра тое, што дадзеныя зьмены ў кодэкс прыймаюцца пад канкрэтных асобаў.

Інфармацыйны аддзел Праваабарончага цэнтру “Вясна”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international