Горкі: Інфармацыя пра склад выбарчай камісіі засакрэчана

Пра гэта паведамляе карэспандэнт газеты “Узгорак” Ілля Заранок.

“Даведацца аб тым, дзе працуюць члены Горацкай раённай выбарчай камісіі не так проста, - гаворыць Ілля Заранок. - На просьбу рэдактара “УзГорка” Эдуарда Брокарава раскрыць “сакрэт” супрацоўніца Горацкага райвыканкама і адначасова сябра Горацкай выбарчай камісіі Кацярына Кароткіна адзначыла, што гэтая інфармацыя выключна для супрацоўнікаў райвыканкама і шэраговым выбаршчыкам яе ведаць неабавязкова”.

Прычына засакрэчанасці гэтых звестак застаецца загадкай. На пытанне, дзе працуюць выбаршчыкі, спадарыня Кароткіна адзначыла, што Горкі малыя і “самі мусіце ведаць, дзе, хто і кім працуе”.

“Праваабаронцы за свабодныя выбары”