Гродна: Гарвыканкам прывёў сваё рашэнне ў адпаведнасць з рэчаіснасцю

13 кастрычніка Гродзенскі гарадскі выканаўчы камітэт пастанавіў унесці змены ў сваё ж рашэнне ад 21 верасня №460 “Аб вызначэнні месцаў, якія забаронены для правядзення пікетавання з мэтай збора подпісаў выбаршчыкаў па вылучэнні кандыдатаў у прэзідэнты Рэспублікі Беларусь”. На гэты раз гарвыканкам кіруецца выключна Выбарчым кодэксам і не абапіраецца больш на Закон “Аб масавых мерапрыемствах у Рэспубліцы Беларусь”. Фактычна мясцовае заканадаўства цяпер прыведзена ў адпаведнасць з выбарчым заканадаўствам і здаровым сэнсам. Асобным пунктам аддзелу ідэалагічнай працы Гродзенскага гарвыканкаму на чале з Сяргеем Дубаўцом загадана давесці новае рашэнне да ведама насельніцтва гораду.

“Праваабаронцы за свабодныя выбары”