Жодзінская грамадская прыёмная «Белай Русі» – фікцыя?

Не так даўно было абвешчана, што “Белая Русь” працягне збор подпісаў за вылучэнне А.Лукашэнкі на пасаду прэзідэнта ў створаных па краіне 157 грамадскіх прыёмных. Наш карэспандэнт у Жодзіне вырашыў пацікавіцца, як адбываецца гэты працэс, аднак аказалася, што дзверы дадзенай арганізацыйнай структуры пры Жодзінскім выканкаме 13 кастрычніка, у афіцыйны дзень прыёма грамадзянаў, нават і не адчыняліся. Як патлумачылі супрацоўнікі сумежных аддзелаў – там практычна ніколі нікога не бывае.

Разам з тым, у гэты ж дзень, дзяжурная Жодзінскай гарадской выбарчай камісіі адзначыла факт перадачы інцыятыўнай групай А.Лукашэнкі дадатковых 4 аркушоў з подпісамі. Відаць, у іншых месцах ідзе збор подпісаў “Белай Руссю”, або гэта іншыя сябры ініцыятыўнай групы, не з гэтай арганізацыі, дадаюць у скарбонку дзеючана кіраўніка дзяржавы чарговыя аўтографы жодзінцаў.

“Праваабаронцы за свабодныя выбары”