Віцебск: Пікеты з бел-чырвона-белым сцягам выклікаюць цікавасць гараджан

2010 2010-10-13T17:52:58+0300 1970-01-01T03:00:00+0300 be http://spring96.org/files/images/sources/piket-bhd-vitebsk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Пікет у Віцебску пад час выбараў 2010 года.

Пікет у Віцебску пад час выбараў 2010 года.

Сцяг прынеслі зборшчыкі подпісаў з партыі БХД. І мінакі пачалі падыходзіць да іх больш актыўна.

Тацяна Севярынец, віцебская каардынатарка БХД, распавядае:

- Я меркавала, што са сцягам буду больш прыкметная, што людзі адразу пойдуць падпісвацца. Да таго ж бел-чырвона-белы сцяг мне самой адразу ўздымае настрой, і я вырашыла, што накіну яго на плечы, прыкалю партыйным значком БХД… Учора выйшла так у першы раз, людзі сапраўды да мяне пайшлі, але ў тым ліку і занадта агрэсіўныя прыхільнікі Лукашэнкі. Было нават страшнавата, бо яны абражалі, крычалі “А што гэта ты начапіла!” Адна спадарыня два дні хадзіла вакол, і  ўрэшце заявіла: “Як я ненавіджу ваш бел-чырвона-белы сцяг! Вось хацела падпісацца за Рымашэўскага, а цяпер не буду!” Упрошваць яе, вядома, я не стала… Але былі і прыемныя моманты: сігналілі машыны, нейкія студэнты крычалі мне “Жыве Беларусь!”, і я ім адказвала: “Жыве з Богам!”

Паколькі на сцяг сапраўды пачалі звяртаць увагу, яго нават прасілі пазычыць з іншых пікетаў. Такім чынам сцяг Тацяны Севярынец трапіў да Аляксандра Кузняцова, які ўчора вітаў на пікеце Рыгора Кастусёва, за вылучэнне якога збірае подпісы.

А сёння са сцягам на плячах выйшла на пікет яшчэ адна прыхільніца БХД, студэнтка Карына. Яна распавяла, што да пікету стала больш актыўна падыходзіць моладзь:

- Неяк аматараў паспрачацца ўжо паменела, затое стала больш цікаўных. Падыходзіць, да прыкладу, дзяўчына - на твары пірсінг, сама ў чорным адзенні - і кажа: “ А з якой нагоды такі сцяг? Я “готка”, у палітыцы не разбіраюся, але мне стала цікава”. Шмат хто падпісваецца, асабліва з младых.

Не абмінаюць пікет і старэйшыя. Збіральнікі подпісаў, якія стаяць уздоўж вуліцы Леніна цэлым шэрагам, распавядаюць пра ўнікальны выпадак: падпісацца прыйшла спадарыня 1919 году нараджэння. Адмаслова папрасіла дачку, каб яе прывяла туды, дзе збіраюць подпісы “за апазіцыю”. І абедзьве падпісаліся за ўсіх патэнцыйных кандыдатаў, абмінуўшы толькі пікет па зборы подпісаў за вылучэнне А. Лукашэнкі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international