Слуцк: Збор подпісаў - без ажыятажу

2010 2010-10-13T15:04:48+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Збор подпісаў у падтрымку дэмакратычных кандыдатаў у Слуцку, у адрозненні ад сталіцы, праходзіць без ажыятажу. Большасць ініцыятыўных груп зьбіраюць подпісы па хатах. Тым не менш, пікеты таксама праводзіліся штабамі прэтэндэнтаў.

Самай актыўнай апынулася каманда Андрэя Саннікава, якая арганізуе пікеты кожны дзень у розных мікрараёнах горада. На думку Івана Цэдрыка, кіраўніка ініцыятыўнай групы А. Саннікава на Случчыне, пікетаванне - найбольш эфектыўны спосаб прасоўвання прэтэндэнта ў кандыдаты. «Бывае, на вуліцы разгараюцца дэбаты, - падзяліўся суразмоўца. - Народ замбаваны, і яго трэба адукоўваць. Дзякуючы пікету, людзі лепш пазнаюць палітыкаў. Яны хаця б ўяўляюць, як выглядаюць альтэрнатыўныя кандыдаты ».

Па словах І. Цэдрыка, праблемы, звязаныя з арганізацыяй пікету, у яго каманды ўзніклі толькі аднойчы. «У выхадны дзень я звярнуўся ў адміністрацыю рынку, каб правесці там пікет, - распавёў ён. - Дырэктара на месцы не было. Нумар яго тэлефона мне адмовіліся прадаставіць. Даведаўшыся, што я з групы Саннікава, чалавек у прыёмнай адказаў нецэнзурнай лаянкай і прапанаваў зачыніць дзверы. Я выклікаў міліцыю. У аддзяленні высветлілася, што гэта чалавек - нехта Шкурский, кіроўца дырэктара рынку. Пасля званка Пятру Даўгучыцу, намесніку старшыні Слуцкага райвыканкама па ідэалогіі, праблема вырашылася, і мы правялі пікет на рынку ».

У Слуцку, акрамя каманды Саннікава, пікеты праводзілі ініцыятыўныя групы Рыгора Кастусёва, Уладзіміра Някляева і Аляксандра Лукашэнкі. Рыгор Кастусёў асабіста прыязджаў у Слуцк, каб прыняць удзел у пікеце ў сваю падтрымку. Ініцыятыўная група Лукашэнкі правяла пікет пад дзяржаўным сцягам.

У падтрымку А. Саннікава ў Слуцку сабрана парадку 570 подпісаў. Па 500 подпісаў аддалі случчакі за вылучэнне У. Някляева і Я. Раманчука. Ініцыятыўная група Р. Кастусёва заявіла аб тым, што план па зборы подпісаў перавыканала, але адмовілася назваць канкрэтныя лічбы. Іх калегі з штабу А. Міхалевіча адзначылі, што збор подпісаў ідзе намечанымі тэмпамі.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international