“Брэсцкая вясна” не дамаглася рэгістрацыі праз чарговы суд

2010 2010-10-13T09:19:55+0300 1970-01-01T03:00:00+0300 be http://spring96.org/files/images/sources/brest_spring.jpg

12 кастрычніка Брэсцкі абласны суд вынес вердыкт у справе аб нерэгістрацыі Галоўным упраўленнем юстыцыі Брэсцкага аблвыканкама праваабарончай арганізацыі “Брэсцкая вясна”: пакінуць рашэнне суда першай інстанцыі без зменаў.

Адзін с сузаснавальнікаў “Брэсцкай вясны”, Уладзімір Вялічкін, патлумачыў Еўрарадыё:


— Першае: мы бачым, што дзяржава не хоча рэгістраваць праваабарончыя арганізацыі. Другое: мы не ўпершыню сустракаемся са спецыялістам Галоўнага Ўпраўлення юстыцыі Брэсцкага аблвыканкама Скрыпкіным, які па ўсялякіх надуманых падставах адмаўляе нам у рэгістрацыі, чым парушае правы 18 заснавальнікаў. Беспакаранасць разбэшчвае.
Суд пагадзіўся з довадамі спадара Скрыпкіна на падставе дакументаў аб рэгістрацыі грамадзянаў, у якія супрацоўніцай службы рэгістрацыі Ганнай Шымко была ўнесеная тэхнічная памылка, што яна сама прызнала на судзе. Сутнасць яе памылкі была ў тым, што яна зарэгістравала аднаго з заснавальнікаў “Брэсцкай вясны”, Віталя Каратыша ў доме №13 па вуліцы Сялянскай, хоць насамрэч ён жыў у доме №12.
Тым не менш, гэта палічылі скажэннем інфармацыі наконт рэальнага адраса пражывання заснавальніка. Менавіта на гэтай падставе арганізацыю не сталі рэгістраваць.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international