Маладэчна: Подпісы за Лукашэнку збіралі ў хворых людзей

2010 2010-10-11T18:08:26+0300 1970-01-01T03:00:00+0300 be http://spring96.org/files/images/sources/maladechna.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Як стала вядома, у маладэчанскай раённай бальніцы пацыентаў прасілі падпісацца за Лукашэнку.

Пры афармленні ў бальніцу хворы мусіць мець пры сабе пашпарт. Таму збіраць подпісы ў бальніцы вельмі зручна: і дакумент у пацыента ёсць, і адмаўляць медработніку, ад якога залежыць тваё здароўе, неяк няёмка.

Распавядае пацыентка аддзялення “Пульманалогія”:

- Да нас у палату зайшла жанчына ў белым халаце і папрасіла паставіць подпісы за Лукашэнку. Ніякага бэйджа ў яе не было, дакументы яна не прад’яўляла. Таму невядома, ці гэта была медработніца, ці проста сябра ініцыятыўнай групы Лукашэнкі, якой дазволілі збіраць подпісы ў бальніцы. Яе з’яўленне дало нагоду хворым для выказвання незадаволенасці, маўляў, няхай спачатку Лукашэнка забяспечыць бальніцы неабходнымі лекамі. Бо апошні тыдзень ў аддзяленні не было элементарнага “Навакаіну”, таму даводзілася трываць вельмі балючыя ўколы, таксама былі перабоі за антыбіётыкамі.

Па назіраннях, асаблівага жадання падпісвацца ў большасці пацыентаў не было.

Медперсаналу таксама была “прадастаўлена магчымасць” здаць подпіс у працоўны час за вылучэнне гэтага кандыдата.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international