Гродна: Зборшчыка подпісаў не пусцілі ў інтэрнат электратэхнічнага коледжу

10 кастрычніка Сяргея Куліка, зборшчыка подпісаў за Віталя Рымашэўскага, не пусцілі ў інтэрнат электратэхнічнага коледжу, што знаходзіцца па вуліцы Дзяржынскага, 35А. Рэч у тым, што дырэктар гэтай навучальнай установы загадаў вахцёрам не пускаць у інтэрнат ніякіх удзельнікаў выбарчай кампаніі.

Незалежныя назіральнікі мяркуюць, што такое распараджэнне - грубае парушэнне выбарчага заканадаўства, прычым такія выпадкі фіксуюцца ў горадзе не першы раз. Разам з тым, не выяўлена ніводнага факту, каб дыскрымінацыі падвяргаліся сябры ініцыятыўнай групы Аляксандра Лукашэнкі, якім адміністрацыямі розных дзяржустановаў дазволена збіраць подпісы ўсюды.

Выбарчы штаб Віталя Рымашэўскага па Гродзенскай вобласці мае намер звярнуцца ў Цэнтральную камісію з мэтай аднаўлення сваіх правоў па зборы подпісаў.

“Праваабаронцы за свабодныя выбары”