Акцыя салідарнасьці ў Нарвегіі

16 лютага ў сталіцы Нарвегіі Осла адбылася акцыя салідарнасьці з беларускімі палітзняволенымі. Акцыя праходзіла ў цэнтры горада на плошчы перад парламентам. У акцыі прымалі ўдзел дэпутаты Нарвежскага парламента, нарвежскія студэнты і актывісты няўрадавых аргнізацый, а таксама беларускія праваабаронцы. У сваіх выступах прадстаўнікі нарвежскай грамадскасьці казалі, што яны "душой і сэрцам з Беларусьсю". Пасьля выступіў Алесь Бяляцкі, які сказаў, што у цяпершняй сітуацыі праявы міжнароднай салідарнасьці надзвычый важныя. Акцыя працягвалася гадзіну і праходзіла пад нацыянальнымі бел-чырвона-белымі колерамі.