Лідэр гарадзенскага "Маладога Фронту" Яўген Скрабутан адлічаны з Гарадзенскага дзяржаўнага універсітэту

Яўген Скрабутан вучыўся на трэцім курсе Гарадзенскага дзяржаўнага універсітэту імя Янкі Купалы на беларускім аддзяленні філалагічнага факультэта. Зараз ён даведаўся, што адлічаны з навучальнай установы.
У загадзе сказана, што адлічэнне студэнта звязана з парушэннем правілаў унутранага распарадка універсітэта. 13 лютага мастоўскі суд аштрафаваў Яўгена на 290 тысяч рублёў нібыта за незаконную перадвыбарчую агітацыю і распаўсюд друкаваных матэрыялаў без выходных дадзеных.

"Я вельмі абураны падобнымі дзеяннямі кіраўніцтва нашага універсітэта. Мяне выключылі вельмі хутка, і я нават не ведаю, ці было перад гэтым паседжанне дэканаў, са згоды якіх выключаюць студэнтаў. Я збіраюся падаваць скаргу ў суд, пракуратуру і, магчыма, у Міністэрства адукацыі," – адзначыў Яўген Скрабутан.

У 2004 годзе Яўген Скрабутан быў выключаны за графіці, аднак яму ўдалося ўзнавіцца ва універсітэце, паведаміла "Пагоня".