Пікету супраць сьмяротнага пакараньня ў Барысаве ня быць

2010 2010-10-08T09:51:52+0300 1970-01-01T03:00:00+0300 be http://spring96.org/files/images/sources/vesta.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Барысаўскія праваабаронцы 20 верасьня падалі ў мясцовы райвыканкам заяўку на правядзеньне пікету супраць сьмяротнага пакараньня. Учора стала вядома, што правядзеньне пікету забаронена мясцовымі ўладамі.
Пікет планавалася правесьці 10 кастрычніка ў Міжнародны дзень супраць сьмяротнага пакараньня ў шматлюдным месцы - каля барысаўскага гандлёвага цэнтру «Веста». Адказ на заяўку праваабаронцаў павінен быў быць дадзены за пяць дзён да планаванага мерапрыемства, г. зн. яшчэ 5 кастрычніка.
Аднак ніякага пісьмовага адказу з Барысаўскага райвыканкама заяўнікамі атрымана не было. Учора раніцай адзін з арганізатараў пікету праваабаронца Алег Мацкевіч спецыяльна адправіўся ў выканкам, каб даведацца, ці можна праводзіць пікет.
Начальнік аддзела ідэалогіі Барысаўскага райвыканкама Людміла Гарнак вусна паведаміла аб забароне на правядзенне пікету. Матывацыя забароны: заяўнікамі не былі прадстаўлены дамовы з ЖКГ, міліцыяй і медустановай. Дарэчы, такія дамовы заключаюцца пры правядзеньні больш маштабных, чым пікет, акцыях - мітынгах, дэманстрацыях.
Барысаўскі райвыканкам у мінулым годзе таксама забараняў правядзеньне пікету супраць сьмяротнага пакараньня. І ў гэтым годзе ад традыцыі забароны не адмовіўся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international