СУДОВЫ КАНВЭЕР (Навiны ад цэнтра "Верас")

2002 2002-08-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 жніўня ў Кастрычніцкім раённым судзе горада Віцебска разглядаліся адміністрацыйныя справы васьмі сяброў Аб'яднанай грамадзянскай партыі. Нагадаем, што напрыканцы фэстывалю "Славянскі базар у Віцебску" апазыцыя зладзіла несанкцыянаваны пікет з асуджэньнем кіраваньня Аляксандра Лукашэнкі. 15 дэмакратаў пратэставалі супраць заганнай эканамічнай палітыкі ды інтэграцыі Беларусі з Расеяй. Успамінае старшыня Віцебскай гарадзкой арганізацыі АГП Алена Залеская: "26 ліпеня пасьля закрыцьця "Славянскага базару", але калі яшчэ працаваў "Горад майстроў" і было шмат ягоных наведвальнікаў, чальцы нашай партыі арганізавалі акцыю пратэсту супраць рэжыма Аляксандра Лукашэнкі. Мы выступілі з асуджэньнем эканамічных захадаў, якія ажыцьцяўляюцца ў Беларусі. Акрамя таго, у нас быў лёзунг "Ня хочам быць дзевяностым суб'ектам Расеі!" Гэта зараз надзвычай актуальна.
Нашыя аднапартыйцы адстаялі 25 хвілінаў і іх забралі ў міліцыю. Калі нас вялі ў пастарунак, то атрымалася вельмі прыгожая дэманстрацыя. Наперадзе крочыў наш калега зь бел-чырвона-белым сьцягам, за ім ішлі людзі з плякатамі і ўжо потым міліцыя. Атрымалася шыкоўнае шэсьце!"
Але, натуральна, не за гэтае незвычайнае шэсьце судзілі "аб'яднаных грамадзянаў". Сябры АГП абвінавачваліся паводле Адміністратыўнага кодэкса за недазволены пікет у цэнтры горада. Працэс праходзіў даволі адметна. Калі дагэтуль судовыя паседжаньні пачыналіся пунктуальна або пазьней прызначанага тэрміну, то гэтым разам судзьдзя Аксана Афанасьева стала выклікаць апазыцыянэраў раней, чым было пазначана ў позвах. Відаць, яна не хацела, каб сьведкамі разгляду спраў сталі журналісты. Між іншым, спадарыня Афанасьева вядомая сваімі строгімі адміністрацыйнымі рашэньнямі ў дачыненьні да апазыцыйных дзеячаў. Але на апошнім судзе яна ня стала доўга высьвятляць абставіны справы і даволі лагодна паставілася да дэмакратаў.
"Аб'яднаныя грамадзяне" адзін за адным выклікаліся на паседжаньне. Усім васьмі апазыцыянэрам было вынесена самае мінімальнае пакараньне. Яны атрымалі папярэджаньні.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international