Праваабарончы цэнтр «ВЯСНА»

Бабруйскім праваабаронцам стала вядома, што ўчора, 6 кастрычніка, настаўнікаў сярэдніх школаў збіралі ў адміністрацыі Першамайскага раёна. Пра гэта паведаміла настаўніца САШ № 30.

- Не ведаю, па якіх крытэрах нас адбіралі, але пазвалі на сход не ўсіх, - распавядае педагог. – Нам сказалі, што мы павінны сабраць за Лукашэнку па 300 подпісаў кожны. Канечне, нам гэта непрыемна, але што зробіш, прыйдзецца збіраць, каб не страціць працу.

Нажаль, жанчына не ведае, хто канкрэтна з імі размаўляў на сходзе. Але яна адзначыла, што гэты чалавек быў не з аддзела адукацыі.

“Праваабаронцы за свабодныя выбары”