Магілёўскі абласны суд не задаволіў скаргу абласной арганізацыі БНФ

2010 2010-10-07T08:56:13+0300 1970-01-01T03:00:00+0300 be http://spring96.org/files/images/sources/suddd.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

6 кастрычніка адбыўся разгляд скаргі Магілёўскім абласным судом з нагоды неўключэння прадстаўніка ад ГА БНФ “Адраджэнне” Сяргея Фаміна ў склад абласной выбарчай камісіі. Суддзя Святлана Стэльмахава пакінула рашэнне, якое было прынятае на сумесным пасяджэнні кіраўніцтва Магілёўскага аблвыканкама і Прэзідыума Магілёўскага аблсавета дэпутатаў, у сіле. Рашэнне абскарджванню не падлягае.

Актывісты БНФ, пры дапамозе праваабронцаў, спрабавалі абскарзіць неўключэнне іх актывіста ў склад абласной выбарчай камісіі і патрабавалі змяніць рашэнне, прынятае на сумесным пасяджэнні 29 верасня аб утварэнні Магілёўскай абласной выбарчай камісіі па выбарах прэзідэнта Рэспублікі Беларусь і ўключыць у склад камісіі іх прадстаўніка, а таксама перадаць на судовае пасяджэнне ўсе матэрыялы, якія разглядаліся і прымаліся ўпраўленнем арганізацыйна-кадравай працы Магілёўскага аблвыканкама пры падрыхтоўцы праекта рашэнняў па ўтварэнні Магілёўскай абласной выбарчай камісіі, а таксама пратакол сумеснага пасяджэння па ўтварэнні гэтай камісіі.

Сярод аргументаў, якія прывяла суддзя на карысць прызнання правамоцным рашэння аб фарміраванні складу абласной выбарчай камісіі, было тое, што ў Выбарчым кодэксе няма крытэрыяў адбору, па якіх можна ўключаць альбо не ўключаць грамадзян у склад камісіі і таму гэтая справа цалкам залежыць ад рашэння, прынятага на сумесным пасяджэнні кіраўніцтва Магілёўскага аблвыканкама і Прэзідыума Магілёўскага аблсавета дэпутатаў.

Праваабронца Барыс Бухель адзначае, што на пасяджэнні прысутнічалі таксама прадстаўнікі Магілёўскага аблвыканкама і Прэзідыума аблсавета.

“Падчас спрэчак стала вядома, - гаворыць праваабаронца, - што камісія, якая прымала рашэнне ўключаць ці не ўключаць тую ці іншую кандыдатуры, складалася з 3-4 чалавек – пароўну ад Прэзідыума аблсавета і кіраўніцтва аблвыканкама, і была нефармальнай. Член Прэзідыума аблсавета, які быў у суддзе, адзначыў, што яму спатрэбілася пяць хвілін, каб азнаёміцца са спісам прапанаваных кандыдатаў на уключэнне ў склад камісіі”.

Нагадаем, што 7 кастрычніка адбудзецца, яшчэ адзін суд. Гэтым разам рашэнне, якое было прынята на сумесным пасяджэнні кіраўніцтва Магілёўскага аблвыканкама і Прэзідыума Магілёўскага аблсавета дэпутатаў аб неўключэнні ў склад абласной выбарчай камісіі актывіста Анатоля Заўялава будзе абскарджваць Беларуская партыя левых “Справядлівы свет”. Праваабаронцы прадказваюць аналагічны сцэнар.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international