Сяргея Калякіна, кіраўніка Штаба Аляксандра Мілінкевіча, выклікалі у Пракуратуру

2006 2006-02-11T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паводле www.milinkevich.org

Сяргея Калякіна, кіраўніка Штаба адзінага прэтэндэнта Аляксандра Мілінкевіча, выклікалі ў панядзелак, 13 лютага, на 9.00 у Пракуратуру Рэспублікі Беларусь для дачы тлумачэнняў па факту праведзенай ім прэс-канферэнцыі 28 студзеня.

28 студзеня адбылася прэс-канферэнцыя кіраўніка Штаба адзінага прэтэндэнта Сяргея Калякіна і кіраўніка ініцыятыўнай групы адзінага прэтэндэнта Аляксандра Бухвостава, якая была прысвечаная вынікам збора подпісаў за вылучэнне Аляксандра Мілінкевіча кандыдатам у прэзідэнты Беларусі.

Падчас канферэнцыі Сяргей Калякін сказаў: “З боку ўлады мы назіраем сёння наўпрост крымінальную справу, крымінальнае злачынства, у якое ўцягнутыя кіраўнікі прадпрыемстваў, адміністрацый, выканаўчай улады, кіраўнікі навучальных установаў і, самае небяспечнае, сюды ўцягнутыя супрацоўнікі праваахоўчых органаў, якія павінны выконваць закон. Паўсюдна ў ворганах унутраных справаў і пракуратуры адбываўся гвалтоўны збор подпісаў за Аляксандра Лукашэнку. У гэтым да таго ж удзельнічала адміністрацыя прадпрыемстваў, што наўпрост забаронена Выбарчым кодэксам”.

На прэсавай канферэнцыі Сяргей Калякін заклікаў міністра ўнутраных справаў Рэспублікі Беларусь Уладзіміра Навумава і генеральнага пракурора Пятра Міклашэвіча стаць на бок закона і беларускага народа і прыняць меры па спыненні правапарушэнняў выбарчага заканадаўства.

“Магчыма, Пракуратура сапраўды хоча заняцца парушэннямі выбарчага заканадаўства. Але я не выключаю пайтору сітауцыі 2004 году, калі за два тыдні да парламенцкіх выбараў на прэс-канферэнцыі я абвесціў факты магчымай фальсіфікацыі па сваёй выбарчай акрузе, - каментуе Сяргей Калякін позву ў Пракуратуру. - Я папрасіў праваахоўныя ворганы прадухіліць парушэнні заканадаўства. Аднак замест гэтага, супраць мяне была ўзбуджана крымінальная справа па факту клеветы на презідэнта Беларусі”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international