Міліцыянты затрымалі яшчэ дваіх анархістаў

2010 2010-10-01T11:34:41+0300 1970-01-01T03:00:00+0300 be http://spring96.org/files/images/sources/mil.jpg

30 верасня міліцыянты затрымалі грамадскага актывіста Барыса Ашчэпкава. Як паведамляе сайт Indymedia Belarus, да хлопца ў кватэру ўварваліся, выламаўшы дзверы. Барыс дапамагаў бацькам і сябрам арыштаваных актывістаў падтрымліваць сувязь з праваабаронцамі.

Барыса затрымалі на трое сутак па справе пра леташнюю акцыю 19 верасня каля Генштаба. Тады анархісты правялі хэпенінг супраць беларуска-расійскіх вайсковых вучэнняў. Акрамя Ашчэпкава, як даведалася Еўрарадыё, затрыманы таксама Дзяніс Быстрык. Падрабязнасці яго затрымання пакуль невядомыя.

Пасля 6-дзённага затрымання выпушчаны на волю пад падпіску пра невыязд Ігар Трухановіч. Ніякага абвінавачвання яму не выставілі. Нагадаем, што арышты сацыяльных актывістаў пачаліся пасля нападу невядомых на расійскую амбасаду 30 жніўня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international