Баранавіцкая раённая камісія: Колькі дзяржслужачых – вызначыць немагчыма

2010 2010-09-30T14:43:16+0300 1970-01-01T03:00:00+0300 be http://spring96.org/files/images/sources/baran-rajispolkom.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

30 верасня на сайце Баранавіцкага раённага выканаўчага камітэта (http://baranovichi.brest-region.by/) з’явілася інфармацыя аб персанальным складзе раённай тэрытарыяльнай выбарчай камісіі. У складзе камісіі 13 чалавек, 10 з якіх складаюць прадстаўнікі дзяржаўных прафсаюзаў, праўладных грамадскіх аб’яднанняў і палітычных партый (“Белая Русь”, БРСМ, КПБ, “Беларускі саюз жанчын”, ветэранаў).

Інфармацыя аб сябрах камісіі не ўтрымлівае звестак пра месца працы сяброў камісіі, пры гэтым згодна са зменамі ў Выбарчым кодэксе, у выбарчай камісіі не павінна быць больш за 30% прадстаўнікоў дзяржаўных структур (арт. 34 Выбарчага кодэкса). Такім чынам, аналізуючы склад камісіі, які пададзены на сайце Баранавіцкага раённага выканаўчага камітэта, немагчыма падлічыць колькасць дзяржаўных чыноўнікаў, якія трапілі ў склад выбарчай камісіі. Напрыклад, сябра раённай выбарчай камісіі Канаш Таццяна Віктараўна, якая з’яўляецца загадчыцай арганізацыйна-кадравай службы райвыканкама, у выбарчай камісіі прадстаўлена ад Баранавіцкай раённай арганізацыі “Беларускі саюз жанчын”.

Таксама cайт не паведамляе не толькі тэлефон, але і адрас выбарчай камісіі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international