У Магілёўскую абласную выбарчую камісію патрапіў прадстаўнік АГП

2010 2010-09-29T18:50:13+0300 1970-01-01T03:00:00+0300 be http://spring96.org/files/images/sources/mogilev-ablvykankam.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёння, 29 верасня, у Магілёве адбылося сумеснае пасяджэнне кіраўніцтва Магілёўскага абласнога выканаўчага камітэта і Прэзідыума Магілёўскага абласнога Савета дэпутатаў, дзе быў зацверджаны склад абласной выбарчай камісіі ў колькасці 13 чалавек. Пададзена ж заявак на ўваходжанне ў склад абласной выбарчай камісіі было 34. Ад прадстаўнікоў дэмакратычнай грамадскасці ў склад камісіі патрапіў актывіст Аб’яднанай Грамадзянскай партыі Ўладзімір Парфёнаў.

На пасяджэнні таксама прысутнічалі назіральнікі: старшыня абласной арганізацыі БНФ “Адраджэнне” Зміцер Салаўёў, Старшыня абласной арганізацыі АГП Уладзімір Шанцаў і праваабаронца Барыс Бухель.

“Ад апазіцыі было пададзена тры кандыдатуры, - гаворыць праваабаронца Барыс Бухель, - ад ГА БНФ “Адраджэнне” Сяргей Фамін, ад Беларускай партыі левых “Справядлівы свет” Анатоль Заўялаў, ад АГП – Уладзімір Парфёнаў. Апошні з іх стаў членам абласной выбарчай камісіі”.

Барыс Бухель адзначае, што пасяджэнне праходзіла адкрыта і дэмакратычна. Усе прысутныя задавалі пытанні і вядучы пасяджэння адказваў на іх.

“Я задаў два пытанні, на якія атрымаў грунтоўныя адказы, чаго папросту раней не было, - гаворыць Барыс Бухель, - акрамя гэтага я папрасіў паўтарыць спіс сябраў новаўтворанай камісіі. Мне яго паўтарылі і я здолеў запісаць усіх на дыктафон, хто дзе працуе, кім вылучаны, як імя і прозвішча”.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international