Гарадок: Сябра БСДП (Г) не ўключылі ў выбарчую камісію з-за "рэпутацыі скандаліста"

2010 2010-09-29T12:54:41+0300 1970-01-01T03:00:00+0300 be http://spring96.org/files/images/sources/haravy_leanid.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Леанід Гаравы

Леанід Гаравы

Сябра БСДП (Грамада) Леанід Гаравы падаў скаргу па факце неўключэння яго ў склад Гарадоцкай раённай выбарчай камісіі. 28 верасня на сумесным паседжанні Гарадоцкага райвыканкама і прэзідыума Гарадоцкага Савета дэпутатаў пры прадстаўленні кандыдатур, вылучаных у склад Гарадоцкай раённай камісіі па выбарах Прэзідэнта Рэспублікі Беларусь, намеснік старшыні выканкама Н. Бурунова ахарактарызавала Леаніда Гаравога як чалавека, "які раней скандаліў у выбарчых камісіях, мае адміністрацыйныя правапарушэнні за ўмяшальніцтва ў працу камісіяў ". На падставе гэтай характарыстыкі ўдзельнікі паседжання прагаласавалі супраць уключэння Гаравога ў склад выбарчай камісіі.

Леанід Гаравы лічыць інфармацыю, прадстаўленую Н. Буруновай, ілжывай, абразлівай і не адпаведнай нормам беларускага заканадаўства. Так, па словах г-на Гаравога, шмат гадоў прымаючы ўдзел у выбарчых кампаніях рознага ўзроўню ў якасці кандыдата, назіральніка альбо члена ініцыятыўных группаў, ён неаднаразова на ўзроўні Цэнтрвыбаркама даказваў справядлівасць сваіх прэтэнзій да парушэнняў Выбарчага кодэкса.

"Я сапраўды прыцягваўся раней да адміністрацыйнай адказнасці, але згодна з дзеючым заканадаўствам, праз год пасля прызначэння адміністрацыйнага пакарання грамадзянін лічыцца не маючым спагнанняў. Так што, з красавіка 2007 года я не маю адміністрацыйных спагнанняў, такім чынам, чыноўніца прадаставіла ўдзельнікам паседжання загадзя ілжывую інфармацыю ", - растлумачыў Леанід.

Л. Гаравы патрабуе адмены рашэння сумеснага паседжання Гарадоцкага райвыканкама і прэзідыума Савета дэпутатаў, а таксама настойвае на тым, каб чыноўніца прынесла яму выбачэнні.

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international