Беларускія памежнікі забаранілі выезд у Польшчу Анжаліцы Борыс, старшыні непрызнаванага беларускімі ўладамі Саюза палякаў Беларусі.

2006 2006-02-08T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Памежнікі ў Брузгах паведамілі, што ў яе пашпарце няма месца, каб паставіць пячатку. Анжаліка Борыс звярнула іх увагу на тое, што мае дзве амаль пустыя старонкі, дзе можна ставіць пячаткі, аднак заўвага не была прынята.

– Тое, што здарылася, укладваецца ў агульную палітыку беларускіх уладаў у адносінах да палякаў. На паседжанні кансультацыйнай Рады Палоніі свету, на якое маршалкам Сенату была запрошана Анжаліка Борыс, павінна была абмяркоўвацца сітуацыя палякаў Беларусі і далейшае супрацоўніцтва з польскімі ўладамі, – каментуе ПАГОНІ сітуацыю Анджэй Пісальнік, прэсавы сакратар непрызнаванага Саюза палякаў. – Улады не далі Анжаліцы Борыс магчымасці прысутнічаць на паседжанні. Што самае цікавае, яе кіроўцу пячатку у пашпарт паставілі. Ксеракопіі абодвух пашпартоў ужо зроблены і ім будзе дадзены належны ход.

Анджэй Пісальнік паведаміў, што гэты скандал не толькі асвячаецца польскімі медыямі, але выклікаў рэзананс у афіцыйных колах Польшчы: “Падобным учынкам беларускія ўлады не дапусцілі кантакту польскага Сенату, які апякуецца палякамі ва ўсім свеце, з польскай меншасцю за мяжой. Гэта недабразычлівы крок не толькі ў адносінах да палякаў Беларусі, але і да ўсёй польскай меншасці ў свеце”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international