Гомельшчына: «Калектыўны партрэт» каманды Кастусёва

2010 2010-09-27T08:46:30+0300 1970-01-01T03:00:00+0300 be http://spring96.org/files/images/sources/kostusev-1s600x600.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Намеснік старшыні Партыі БНФ Рыгор Кастусёў – адзін з прэтэндэнтаў у кандыдаты ў Прэзідэнты Беларусі. Як выглядае «калектыўны партрэт» каманды, якая будзе збіраць подпісы за яго ў Гомельскай вобласці?

Гаворыць старшыня Жлобінскай раённай арганізацыі Партыі БНФ Станіслаў Сцяпкоў, які ў сваім раёне каардынаваў стварэнне будучай ініцыятыўнай групы:

– У нашым раёне ў групу, якая будзе збіраць подпісы за Рыгора Кастусёва, увайшлі 9 грамадзян. Усе яны з нашай партыі. У асноўным гэта людзі сярэдняга ўзросту, якія маюць жыццёвы і партыйны досвед.

С. Сцяпкоў дадаў таксама, што ўсе будучыя зборшчыкі подпісаў за Р. Кастусёва на Жлобіншчыне – мужчыны.

У суседнім Рагачоўскім раёне да ініцыятыўнай групы Р. Кастусёва далучыліся 2 грамадзян, таксама мужчыны.

Яшчэ адзін раён побач са Жлобінскім – Светлагорскі. Сябра Партыі БНФ Вадзім Болбас, які каардынаваў фарміраванне будучай ініцыятыўнай групы ў гэтым раёне, паведаміў, што тут у каманду ўвайшлі 8 грамадзян, у асноўным сябры партыі. Збольшага яны належаць да сярэдняга ўзросту, сярод іх 2 жанчыны.

Можна заўважыць, што ў адрозненне ад выбарчых камісій, у якіх заўсёды шмат жанчын, у каманд будучых кандыдатаў ў асноўным «мужчынскі твар». З чым гэта звязана? На думку палітычных актывістаў, з якімі давялося размаўляць пра гэта, выбарчыя камісіі беларуская ўлада фарміруе з «паслухмяных» людзей, і ўлады лічаць, што жанчыны для гэтага больш падыходзяць. Ініцыятыўныя групы, наадварот, у асноўным складаюцца з дабраахвотнікаў, якія дзейнічаюць найперш з ідэйных перакананняў. А сярод тых, хто цікавіцца палітыкай, традыцыйна пераважаюць мужчыны.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international