Рагачоў: Дзяржпрапаганда напярэдадні выбараў палохае моладзь

2010 2010-09-20T16:49:13+0300 1970-01-01T03:00:00+0300 be http://spring96.org/files/images/sources/gazety.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Дзяржаўныя друкаваныя выданні напярэдадні выбараў успомнілі пра праграму Каліноўскага. Яна пачала дзейнічаць якраз пасля мінулых прэзідэнтскіх выбараў, калі многія студэнты былі адлічаны з ВНУ за ўдзел у «Плошчы-2006». Відавочна, что ўлада не выключае такога развіцця падзей — масавых пратэстаў, і пад час будучых прэзідэнтскіх выбараў, тым больш — некаторыя патэнцыйныя кандыдаты заяўлялі, што маюць намер, пры магчымай фальсіфікацыі выбараў, адстойваць сваю перамогу на плошчы. Напэўна, менавіта з гэтым звязаны артыкулы пра праграму Каліноўскага, якія з'явіліся ў газеце «Рэспубліка» і рагачоўскай раенцы «Свабоднае слова». Агульны месідж артыкула ў рагачоўскай газеце такі: «Не верце апазіцыі, калі вас адлічаць, то ніхто вам не дапаможа».

«Свабоднае слова» піша, што студэнты, якія паехалі вучыцца ў Польшчу па праграме Каліноўскага, «з мноства адукацыйных праграмаў выбралі тую, якая можа і ведаў не даць, і на кар'еры паставіць «вялікую тлустую пляму». Саму праграму аўтар артыкула называе «маштабным праектам, накіраваным на тое, каб уцягнуць больш беларускай моладзі ў дэструктыўныя палітызаваныя групоўкі». У артыкуле нават прыводзяць словы ананімнага былога «каліноўца», які апісвае жахі навучання ў Польшчы, сярод якіх — навучанне на польскай мове, не запатрабаваныя спецыяльнасці, па якіх прапаноўваюць вучыцца. «Да таго ж толькі адзінак пакідаюць вучыцца ў Варшаве, беларускіх студэнтаў накіроўваюць «захапляцца краявідамі Бяла-Падляскі і іншых правінцыйных мястэчак». Можам толькі дадаць, што Бяла-Падляска насамрэч не такі ўжо і правінцыйны горад, прынамсі, лепшы за чарнобыльскія райцэнтры Гомельскай вобласці, куды пад прымусам едуць нашы студэнты па размеркаванню. Ананімны «каліновец», калі ён існуе ў рэчаіснасці, дадае, што заняткі для студэнтаў у Польшчы зводзяцца да падрыхтоўкі да ўдзелу ў вулічных акцыях пратэсту.

Аўтар намякае, што нашых студэнтаў «там» выкарыстоўваюць у сваіх інтарэсах замежныя спецслужбы. І, як вынік усяго благога ў Польшчы - «п'янкі-гулянкі, наркотыкі, бойкі», а затым — адлічэнне і вяртанне на Радзіму. «Аднак тут у іх узнікнуць скалданасці пры працаўладкаванні — не ўсе дыпломы каціруюцца ў Беларусі», - папярэджвае аўтар артыкулу.

Дарэчы, Гомельскі дзяржаўны ўніверсітэт таксама заклапочаны тым, каб актыўнасць студэнтаў бына накіравана ў патрэбны дзяржаве бок, таму ў «Кодэксе гонару студэнтаў» запісана, што, згодна з артыкулам №11, студэнт «не дапускае распаўсюджвання інфармацыі антыграмадскага зместу, накіраванай на дэстабілізацыю правапарадку, не ўдзельнічае ў несанкцыянаваных мінтынгах і акцыях»  

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international