Кавальчуку прысудзілі штраф, але шыльду аддадуць

2010 2010-09-15T12:56:06+0300 1970-01-01T03:00:00+0300 be http://spring96.org/files/images/sources/zelva.jpg
Фота Dzida.org

Фота Dzida.org

У Ваўкавыску адбыўся суд над Міколам Кавальчуком, якога абвінавачвалі ў самавольным вывешванні мемарыяльнай шыльды ў гонар Ларысы Геніюш. Суддзя прысудзіў штраф, але пастанавіў вярнуць Кавальчуку шыльду.

Сёлета 27 ліпеня Мікола Кавальчук усталяваў памятную шыльду ў гонар 100-годдзя Ларысы Геніюш на доме, у якім нарадзілася паэтка. Гэты дом у свой час быў перавезены з хутара Жлобаўцы ў Ваўкавыск. Аднак, паводле загаду райвыканкама, шыльда была знятая супрацоўнікамі праваахоўных органаў, якія склалі пратакол на Мікалая Кавальчука і абвінавацілі яго ў тым, што ён самавольна без адпаведнага дазволу ўсталяваў гэтую дошку.

Сёння суд вынес пастанову і прызначыў штраф у памеры 70 тысяч беларускіх рублёў за самавольнае ўсталяванне шыльды. У той жа час суд пастанавіў вярнуць памятную шыльду, якая зараз знаходзіцца ў міліцыі, яе законнаму ўладару Мікалаю Кавальчуку. Сп. Кавальчук не выключае, што будзе абскарджваць рашэнне суда, а таксама звяртацца ў пракуратуру з мэтай дазнацца, хто тыя людзі, якія знялі шыльду, бо яны ў свой час не прадставіліся і праводзілі нейкую спецаперацыю каля дома, на якім была ўсталявала шыльда.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international