Удзельнікаў пікета за беларускія класы будуць судзіць

2010 2010-09-10T15:54:37+0300 1970-01-01T03:00:00+0300 be http://spring96.org/files/images/sources/mova-piket-harodnia.jpg
фота svaboda.org

фота svaboda.org

На прафесара Гродзенскага медуніверсітэта Алеся Астроўскага, яго жонку Аксану і гродзенскага грамадскага актывіста, краязнаўца і журналіста Уладзіміра Хільмановіча складзеныя пратаколы за ўдзел у несанкцыянаваным мерапрыемстве.

Усіх трох выклікалі 10 верасня ў дзевятоўскае аддзяленне міліцыі па справе пікету, які яны праводзілі 3 верасня з патрабаваннем стварэння ў гродзенскіх школах беларускамоўных класаў.

Кажа Уладзімір Хільмановіч:

– Пасля пікету быў складзены пратакол апытання, цяпер складзены пратакол аб адміністрацыйным правапарушэнні. Паводле артыкула, па якім нас вінавацяць – гэта арганізацыя несанкцыянаванага публічнага мерапрыемства, пагражае альбо папярэджанне, альбо штраф да 8 базавых велічынь.

Як адзначыў Уладзімір Хільмановіч, калі адбудзецца суд пакуль невядома. Застаецца чакаць позвы.

Таксама сёння Алесь Астроўскі і Уладзімір Хільмановіч былі на сустрэчы з адміністрацыяй сярэдняй школы №32 Гродна наконт магчымасці адкрыцця беларускамоўнага класа. На сустрэчы таксама прысутнічаў загадчык аддзела адукацыі Ленінскага раёна Гродна Сяргей Ламека.

У выніку сустрэчы была прапанаваная змешаная форма навучання дзяцей: калі большасць прадметаў выкладаецца па-беларуску ў індывідуальным парадку, а рэшта – з класам па-расійску.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international