У Баранавічах затрыманыя Раманчук і Лябедзька

2010 2010-09-07T14:30:49+0300 1970-01-01T03:00:00+0300 be http://spring96.org/files/images/sources/liabedzka.jpg
Анатоль Лябедзька

Анатоль Лябедзька

На цэнтральным рынку Баранавічаў (Брэсцкая вобласць) 7 верасня затрыманы лідэр Аб’яднанай грамадзянскай партыі (АГП) Анатоль Лябедзька і прэтэндэнт на пасаду прэзідэнта ад АГП Яраслаў Раманчук.

Як паведаміў Лябедзька БелаПАН, ён з Раманчуком прыехаў у Баранавічы на сустрэчу з прадпрымальнікамі. «Мы хадзілі па рынку, раздавалі інфармацыйныя матэрыялы, тэзісы перадвыбарнай праграмы Раманчука, размаўлялі з прадпрымальнікамі. Аднак праз некаторы час да нас падышлі два маёры міліцыі. Яны паведамілі, што мы затрыманыя, і даставілі нас у будынак адміністрацыі рынку. Паводле слоў супрацоўнікаў міліцыі, цяпер да іх прыехаў чалавек з крымінальнага вышуку, які старанна вывучае матэрыялы, што мы раздавалі, на прадмет «крамолы», — сказаў Лябедзька. На гэты час палітыкі працягваюць знаходзіцца ў будынку адміністрацыі рынку.

Лябедзька адзначыў, што гэта не першая спроба ўлад сарваць сустрэчы Раманчука са сваімі патэнцыяльнымі выбаршчыкамі. «Нядаўна падобныя спробы зрыву сустрэч адбыліся ў Салігорску і Вілейцы. Відаць, улада ўсур’ёз апасаецца Раманчука», — сказаў Лябедзька.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international