Праваабарончы цэнтр «ВЯСНА»

26 жніўня ў прыватным памяшканьні адбылася сустрэча з намесьнікам старшыні партыі АГП Яраславам Раманчуком, які зьбіраецца балатавацца на пасаду Прэзідэнта РБ і старшынём партыі Анатолем Лябедзькам. На сустрэчы прысутнічала больш 30 чалавек. Спадар Раманчук прэзентаваў сваю праграму "Мільён працоўных месцаў для Беларусі".

У сярэдзіне размовы вялейскія супрацоўнікі міліцыі спрабавалі гэтую сустрэчу сарваць. Яны аргументавалі сваё зьяўленьне тэлефанаваньнем у РАУС, нібыта ў памяшканьні, дзе праходзіць сустрэча вараць наркотыкі. Галоўнае, што яны спрабавалі зрабіць і што ім не ўдалося - спыніць мерапрыемства і перапісаць прозьвішчы ўсіх прысутных.