Працягваюць звальняць з працы
Актывіста Руху “Маладая Беларусь” зь Віцебску Рамана Баброва, які працуе па размеркаваньні сталяром у прыватным гандлёвым унітарным прадпрыемстве “Таймколор”, учора выклікаў на размову дырэктар Шчарбакоў С.П.
Дырэктар паведаміў, што ставіць пытаньне аб звальненьні актывіста, бо ня хоча мець праблемаў. Ён дадаў, што яму тэлефанавалі датычна ўдзелу Рамана ва ўстаноўчым зьезьдзе Руху “Маладая Беларусь” 10 ліпеня 2010.
Раман Баброў паставіў свой подпіс у сьпісе заснавальнікаў Руху. 10 жніўня дакуманты, неабходныя для атрыманьня дзяржаўнай рэгістрацыі грамадзкага аб’яднаньня, былі пададзеныя ў Міністэрства Юстыцыі.
Прэс-служба Руху "Маладая Беларусь"
