Міхась Башура пераведзены ў Жодзіна
19 жніўня суд Савецкага раёна Мінска не задаволіў скаргу адваката Тамары Сідарэнка на змяненне меры стрымання падабароннаму Міхасю Башуру. Дадзенае судовае рашэнне абскарджана ў Менскім гарсудзе.
Па хадайніцтву адвакаткі яе падаабаронны пераведзены ў Жодзінскае СІЗА.
Нагадаем, Міхася Башуру затрымалі 6 жніўня па “непасрэдна ўзнікшым падазрэнні” на трое сутак. 9 жніўня тэрмін заключэння пад варту быў працягнуты да дзесяці дзён. 16 жніўня Міхасю Башуру прад’явілі абвінавачанне ў злачынстве, прадугледжаным часткамі 1 і 2 артыкула 380 Крымінальнага кодэкса – падробка дакументаў.
