У Сьвіслачы на Гарадзеншчыне пачаўся суд над Генадзем Радзецкім, зборшчыкам подпісаў за Аляксандра Мілінкевіча

31.01.2006.

Тыдзень таму ў Генадзя Радзецкага міліцыянты канфіскавалі аўтабіяграфію і каляровы партрэт А.Мілінкевіча, калі ён зьбіраў подпісы на міні-рынку. Склалі пратакол, у якім было запісана, што яны канфіскавалі агітацыйныя матэрыялы. Генадзь Радзецкі адмовіўся падпісваць пратакол.

30 студзеня ў адміністрацыйным судзе Генадзь Радзецкі не пагадзіўся з тым, што аўтабіяграфія і партрэт зьяўляюцца агітацыйнымі матэрыяламі, а якое-кольвек экспэртнае заключэньне ў справе адсутнічала. Судзьдзя адклала паседжаньне на сёньня, на 16-ю гадзіну, паведаміла радыё Свабода.

Генадзь Радзецкі не карыстаўся паслугамі адваката.

Дадаць камэнтар

Камэнтары