Чыноўнікі Мінабароны адмовіліся размаўляць з Франаком Вячоркам

2010 2010-08-13T12:31:05+0300 1970-01-01T03:00:00+0300 be http://spring96.org/files/images/sources/vojska.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Аднак Іван Шыла і Франак Вячорка ўсё ж перадалі ў Мінабароны больш за паўтары тысячы подпісаў з патрабаваннем рэфармавання арміі.

Сустрэча з нядаўна мабілізаванымі моладзевымі актывістамі апазіцыі адбылася 12 жніўня ў пакоі для прыёму гасцей Міністэрства абароны. У ёй удзельнічаў намеснік начальніка галоўнага арганізацыйна-мабілізацыйнага ўпраўлення Валеры Цісленка і іншыя прадстаўнікі міністэрства. Ваенныя чыноўнікі адразу ж папрасілі Вячорку пакінуць памяшканне і пагадзіліся размаўляць толькі з Шылам.

Моладзевы актывіст паведаміў ім пра мэты і задачы кампаніі «Наша армія», а таксама перадаў сабраныя подпісы ў падтрымку рэфармавання Узброеных сілаў.

«Нічога канкрэтнага ад іх я не пачуў. Яны далі зразумець, што нічога не вырашаюць», — сказаў БелаПАН па выніках сустрэчы Іван Шыла. Ён падкрэсліў, што кампанія «Наша армія» будзе працягвацца да таго часу, «пакуль не дасць канкрэтных практычных вынікаў».

Кампанія «Наша армія» стартавала ў канцы чэрвеня. Яе сутнасць — збор подпісаў за рэформы ў арміі. Актывісты кампаніі, у прыватнасці, прапануюць скараціць тэрмін ваеннай службы да аднаго года для прызыўнікоў без вышэйшай адукацыі і да дзевяці месяцаў — для прызыўнікоў з вышэйшай адукацыяй (у цяперашні час — паўтары гады і год адпаведна); павялічыць адпачынак вайскоўцам; даць ільготы тым, хто адслужыў у арміі пры паступленні ў вну; даць магчымасць вайскоўцам атрымліваць завочную вышэйшую адукацыю.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international