У Менску затрымалі актывіста кампаніі “Гавары праўду”

2010 2010-08-09T08:20:21+0300 1970-01-01T03:00:00+0300 be http://spring96.org/files/images/sources/gavary_praudu.jpg

6 жніўня ля сваёй кватэры быў затрыманы актывіст кампаніі «Гавары праўду» Міхась Башура. Пра гэта Радыё Свабода паведаміў паплечнік Башуры Алег Мяцеліца.
А 17-й гадзіне ў дзьверы здыманай Міхасём Башурам кватэры пагрукаў чалавек у цывільным. Ён па-панібрацку прапанаваў Башуру выйсьці паразмаўляць. Той адмовіўся і дзьвярэй не адчыніў. Аднак чалавек у цывільным не сышоў.
Калі а 19-й гадзіне Башура мусіў выйсьці з кватэры па справах, яго перастрэлі і настойліва прапанавалі праехаць у Савецкі РУУС.
Там Башура запатрабаваў выклікаць свайго адваката і адмовіўся даваць безь яго якія-кольвек паказаньні. На актывіста склалі пратакол затрыманьня, і цяпер разглядаецца магчымасьць затрыманьня яго на трое сутак.
Ноч актывіст правёў у пастарунку. Сайт zapraudu.info паведамляе, што супраць Башуры ўсчатая крымінальная справа паводле 380-га артыкулу — «падробка, выраб, выкарыстаньне альбо збыт падробленых дакумэнтаў, штапмаў, пячатак, блянкаў». Яго вінавацяць у падробцы даведкі для крэдыту.
Апошнім часам кампанія «Гавары праўду» пачала збор подпісаў за вылучэньне свайго лідэра Ўладзімера Някляева дэлагатам на Ўсебеларускі народны сход.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international