Справамі зніклых беларусаў зоймецца Рада бяспекі ААН?

2010 2010-08-06T14:06:45+0300 1970-01-01T03:00:00+0300 be

Лідэры беларускай апазіцыі ды грамадзянскай супольнасці звярнуліся ў Раду бяспекі ААН. Яны просяць правесці міжнароднае расследаванне справаў зніклых беларусаў – Юр'я Захаранкі, Віктара Ганчара, Анатоля Красоўскага і Змітра Завадскага.

Пад зваротам падпісаліся Станіслаў Шушкевіч, Мечыслаў Грыб, Андрэй Саннікаў, Алесь Бяляцкі, Міхаіл Марыніч ды іншыя.  Зварот накіраваны міністрам замежных справаў пастаянных сяброў Рады бяспекі ААН – Кітая, Расіі, Вялікабрытаніі, Францыі ды ЗША

Першы амбасадар Беларусі ў Нямеччыне Пятро Садоўскі ў каментары Еўрарадыё паведаміў, што ў міжнароднай палітыцы такія прэцэдэнты ўжо былі:
Садоўскі: "Я ў прыватнасці ставіў подпіс пад зваротам на адрас шэфа Дзярждэпа ЗША Хілары Клінтан і ў ААН. Прэцэдэнты такія ёсць. Прэцэдэнт – Судан, прэцэдэнт, па-мойму, – Ліван... Былі прэцэдэнты, што гэта мела пэўную эфектыўнасць, ішло абмеркаванне і г.д. Нягледзячы на тое, які будзе эфект, але ёсць такое паняцце, як піяр у палітыцы..."
Як адзначыў Садоўскі, самі рашэнні камітэтаў і падкамітэтаў ААН не маюць юрыдычнай сілы, а толькі палітычнае значэнне.
Садоўскі: "Але калі ўслед за гэтай акцыяй адбудуцца нейкія крокі пэўных урадаў, міжнародных арганізацый, рашэнні якіх маюць абавязковы характар, то гэта можа быць эфектыўна".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international