Граматычныя памылкі ў заяўцы – падстава для адмовы ў рэгістрацыі інтэрнет-рэсурса
У Беларусі дзяржаўную рэгістрацыю прайшлі каля 16 тысяч інтэрнет-рэсурсаў. Пра гэта карэспандэнту БелТА паведаміў начальнік аддзелу інфармацыйных тэхналогій Беларускай дзяржаўнай інспекцыі па электрасувязі (БелДзІЭ) Андрэй Сіліч.
Па стане на 9 ліпеня спецыялісты БелДзІЭ разгледзелі 23 тыс. заявак, з якіх 7 тысяч адхілілі па розных прычынах — «у тым ліку з-за наяўнасці граматычных памылак, а таксама неадпаведнасці прадастаўленай інфармацыі існуючым формам, калі тое ці іншае поле запоўнена звесткамі, якія яму не адпавядаюць».
Яшчэ 2 тысячы заявак зараз разглядаюцца.
Рэгістрацыю планавалася скончыць да 1 ліпеня, але на дадзены момант яна працягваецца. «Пасля звесткі пра рэсурсы рэгіструючая арганізацыя павінна будзе перадаць у Аператыўна-аналітычны цэнтр пры Прэзідэнце Беларусі», — нагадвае БелТА.
