Зачыстка перад «Славянскім базарам»: у Віцебску затрыманыя браты Каваленкі

2010 2010-07-09T13:21:35+0300 1970-01-01T03:00:00+0300 be http://spring96.org/files/images/sources/kavalienka_siarhej.jpg

Вечарам 8 ліпеня ў Віцебску быў затрыманы актывіст Кансерватыўна-хрысціянскай партыі — БНФ Сяргей Каваленка.

Як паведаміла БелаПАН яго маці Лідзія Каваленка, Сяргея затрымалі каля 21.00 побач з іх домам супрацоўнікі міліцыі.

Паводле слоў жанчыны, якая пры гэтым прысутнічала, міліцыянеры нічога не растлумачылі. Лідзія Каваленка не выключае, што яе сына могуць абвінаваціць у тым, што ён нібыта нецэнзурна лаяўся ў адрас супрацоўнікаў праваахоўных органаў.

Дзе зараз знаходзіцца Сяргей, пакуль невядома. Маці імкнецца высветліць месцазнаходжанне сына і мяркуе, што, хутчэй за ўсё, яго змясцілі ў ізалятар часовага ўтрымання.

Жанчына таксама паведаміла, што сёння, 9 ліпеня, адбудзецца суд над другім яе сынам, Віталем Каваленкам.

Яго абвінавачваюць у тым, што ён нецэнзурна выказваўся на адрас супрацоўніка міліцыі.

Такім чынам, лічыць Лідзія Каваленка, улады хочуць ізаляваць яе сыноў ад грамадства на час правядзення у Віцебску фестывалю «Славянскі базар», які адкрываецца сёння ўвечары.

Сяргей Каваленка з пачатку 2010 года неаднаразова затрымліваўся міліцыяй за арганізацыю розных акцый. У маі суд Кастрычніцкага раёна Віцебска прыгаварыў яго да трох гадоў пазбаўлення волі умоўна за вывешванне бел-чырвона-белага сцяга на галоўнай ёлцы Віцебска 7 студзеня. Гэты ўчынак быў кваліфікаваны ўладамі як «наўмысныя дзеянні, якія груба парушаюць грамадскі парадак і выказваюць яўную непавагу да грамадства».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international