На гомельскага сябра ініцыятыўнай групы А. Мілінкевіча Мікалая Калюку адміністрацыя аказвае ціск і пагражае звальненьнем з працы

2006 2006-01-23T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Гомелі сябра ініцыятыўнай групы А. Мілінкевіча, старшага бугальтара Савецкага аддзяленьня "Белінвэстбанку" Мікалая Калюку папярэдзілі, што не працягнуць зь ім працоўнага кантракту, калі ён будзе надалей працаваць у камандзе апазыцыйнага палітыка.

"Каля 5-й гадзіны ўвечары да мяне дамоў зайшоў начальнік управы службы ўласнай бясьпекі, так ён назваўся, спадар Прыгодзіч. Пачаў з таго, што вось вы, Мікалай Мікалаевіч, на бальнічным, а да нас паступіла інфармацыя, што вы ў гэтую нядзелю агітавалі за Мілінкевіча", -- распавёў сп.Калюга радыё Свабода. У адказ ён патлумачыў госьцю, што за Мілінкевіча не агітаваў, а зьбіраў подпісы. Прыгодзіч адзначыў, што сваімі дзеяньнямі сябра ініцыятыўнай групы наносіць урон іміджу банку, і нагадаў працоўны кантракт заканчваецца ў красавіку і яго могуць не працягнуць. Таксама быў прапанаваны іншы варыянт удзелу ў выбарчай кампаніі -- агітацыя за Лукашэнку. "Можа, тады вы пяройдзеце ў галаўны філіял, там заробак будзе вышэйшы, кар'ерны рост", – паабяцаў спадар Прыгодзіч.

Кіраўнік Савецкага філіялу "Белінвэстбанку" Іван Барычэўскі адмаўляе ўціск на зборшчыка подпісаў: "Ніхто нікога не запалохвае. З чалавекам пагаварылі, таму што на бальнічным чалавек быў. Бачылі яго, што ён дзесьці там подпісы зьбіраў. А што – ты на бальнічным ці ў вольны час подпісы зьбіраў? Больш размоваў, чым гэтай справы".

Пра наведваньне сваёй кватэры прадстаўніком службы ўласнай бясьпекі банку Мікалай Калюка паведаміў у Цэнтральную выбарчую камісію. Прадстаўнік юрыдычнай службы камісіі Глеб Хмялёў паведаміў спадару Калюку, што накіруе ягонае паведамленьне ў пракуратуру дзеля праверкі паведаміла радыё Свабода.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international